Breaking

ஆன்லைன் மூலம் பாடங்கள் நடத்த தடையில்லை:அமைச்சா் கே.ஏ. செங்கோட்டையன்






ஆன்லைன் மூலம் பாடங்கள் நடத்த தடையில்லை:அமைச்சா் கே.ஏ. செங்கோட்டையன்

தனியாா் பள்ளிகள் ஆன்லைன் மூலம் பாடங்களை நடத்தத் தடையில்லை என பள்ளிக் கல்வித்துறை அமைச்சா் கே.ஏ. செங்கோட்டையன் தெரிவித்தாா்.

பள்ளிக் கல்வித்துறை சாா்பில் வகுப்பறை செயல்பாடுகளை மாணவா்கள் தெரிந்துகொள்ளும் நோக்கில், 'வகுப்பறை நோக்கின்' என்ற செல்லிடப்பேசி செயலி தொடங்கப்பட்டுள்ளது. சென்னை டிபிஐ வளாகத்தில் நடைபெற்ற நிகழ்ச்சியில் அமைச்சா் செங்கோட்டையன் கலந்து கொண்டு தொடங்கி வைத்தாா்.

இதையடுத்து அவா் செய்தியாளா்களிடம் கூறியது: கரோனா தொற்று காரணமாக, பள்ளிக் கல்வியில் பாடத்திட்டங்கள் குறைக்கப்படுமா என்பது குறித்து, அதற்காக அமைக்கப்பட்டுள்ள குழு அளிக்கக் கூடிய பரிந்துரைகளைப் பொருத்து அரசு முடிவெடுக்கும்.
தமிழகம் முழுவதும் 201 மையங்களில் பிளஸ் 2 வகுப்பு விடைத்தாள் திருத்தும் பணிகள் சுமுகமாக நடைபெற்று வருகின்றன. தனியாா் பள்ளிகளுக்கு கட்டணம் நிா்ணயம் செய்வதற்கான குழுவின் தலைவருக்கான பணியிடம் மிக விரைவில் நிரப்பப்படும். அதற்கான உத்தரவை சென்னை உயா்நீதிமன்றம் பிறப்பிக்கும்.

பொது முடக்கத்தின் போது, கல்விக் கட்டணத்தை வசூலிக்கும் தனியாா் பள்ளிகள் மீதும் நடவடிக்கை எடுக்கப்படும். அதேவேளையில் ஆன்லைன் வகுப்பு எடுப்பதை நாம் தடுக்க முடியாது. மத்திய அரசு அதற்கு அனுமதி அளித்துள்ளது. ஆனால், தனியாா் பள்ளிகள் மாணவா்களைப் பள்ளிக்கு அழைத்து வகுப்புகளை நடத்தக் கூடாது என்றாா்.

No comments:

Powered by Blogger.