Breaking

காபி குடிக்க எது சரியான நேரம் எது? நீங்க வழக்கமா குடிக்கிற நேரம் சரியா?





*🥗தகவல்📩 களஞ்சியம் 👩‍🍳*



*┈┉┅━❀•ℙᏉᎫℙ•❀━┅┉┈​​​​​​​​​​*

*காபி குடிக்க எது சரியான நேரம் எது? நீங்க வழக்கமா குடிக்கிற நேரம் சரியா?*

By Manimegalai Dharmalingam 


காபிக்கும் நம் உடலில் சுரக்கும் கார்டிசோல் ஹார்மோனுக்கும் நிறைய தொடர்பு உள்ளது என்கிறார்கள் ஆராய்ச்சியாளர்கள். எனவே நீங்கள் நினைக்கும் நேரங்களில் எல்லாம் காபி குடிப்பது தவறு. அப்படி செய்தால் நீங்கள் பல்வேறு உடல் நல பிரச்சினைகளுக்கு ஆளாக நேரிடலாம். எனவே காபி குடிப்பதற்கென்று தனி நேரம் உள்ளதாம் அது எப்போது என்பதை அறிந்து கொள்வோம்.

வழக்கமாக காலையில் எழுந்ததும் ஒரு கப் பெட் காபி குடிக்கவில்லை என்றால் அந்த நாள் சுறுசுறுப்பாக இருக்காது இல்லையா. நிறைய பேருக்கு வேலை டென்ஷன், சோர்வு, தூக்க கலக்கம் இப்படி ஏற்படும் போதெல்லாம் ஒரு கப் காபி குடிக்க தயாராகி விடுவார்கள். உண்மையில் இப்படி கண்ட கண்ட நேரத்தில் காபி குடிக்கலாமா? ஒரு நாளைக்கு எத்தனை கப் காபி குடிப்பது நல்லது, அதற்கு மேல் காபி குடித்தால் என்னவாகும் எனத் தெரியுமா, இதோ இது போன்ற கேள்விகளுக்கான விளக்கங்கள் இங்கே கொடுக்கப்பட்டுள்ளன. உண்மையில் சொல்லப் போனால் காபி குடிப்பதற்கு என்றே தனி நேரம் இருக்க வேண்டுமாம் என்று ஆராய்ச்சியாளர்கள் தெரிவிக்கின்றனர். மற்ற நேரங்களில் காபி குடிப்பது உங்களுக்கு நெஞ்செரிச்சல், தேவையில்லாத சுறுசுறுப்பு, தூக்கமின்மை போன்ற உடல் நல பிரச்சினைகளை உண்டாக்க நேரிடலாம் என்று அவர் எச்சரிக்கை விடுத்துள்ளார்கள்.

எப்படி 3 வேளை உணவு சாப்பிட கடிகாரத்தை பார்ப்பது போல காபி குடிக்கவும். உங்க உடல் கடிகாரத்தை பார்க்க வேண்டும் என்பதே அறிவியல் அறிஞர்களின் கருத்து. தேவையில்லாமல் அடிக்கடி காபி குடிப்பது உங்க ஹார்மோன்களின் உற்பத்தியை தூண்டுகிறது. இது உங்கள் தூக்கத்தை கட்டுப்படுத்தி விழிப்புணர்வுடன் செயல்பட வைத்து விடும். ஏனெனில் அதிகமாக காபி குடிக்கும் போது உங்க கார்டிசோல் என்ற ஹார்மோன் தூண்டப்படுகிறது. இந்த ஹார்மோன் தான் நீங்கள் விழித்திருப்பதை கட்டுப்படுத்துகிறது.
கார்டிசோல் அதிகமாக இருக்கும் போது காபிக்கு நோ
விஞ்ஞானத்தின் படி, கார்டிசோலின் உற்பத்தி அதிகமாக இருக்கும்போது ஒருவர் காபி அல்லது எந்த காஃபின் பொருளையும் குடிக்கக்கூடாது. அவ்வாறு செய்தால் காபிஃன் விளைவுகளுக்கு எதிர்ப்பை ஏற்படுத்தக் கூடலாம். இதனால் பல்வேறு விதமான பிரச்சினைகள் உண்டாகலாம் என்று ஆய்வாளர்கள் கூறுகின்றனர்.
கார்டிசோல் உற்பத்தி இருக்கும் நேரங்கள்
நீங்கள் காலை 6 மணி மற்றும் 8 மணிக்கு எழுந்திருக்கும் நபராக இருந்தால் கீழ்கண்ட நேரங்களில் கார்டிசோல் உற்பத்தி அதிகமாக இருக்கும்.

காலை 7 மணி முதல் 9 மணி வரை உயரும்.
9.30 மணியளவில் குறைய ஆரம்பிக்கும். இந்த நேரங்களில் கார்டிசோல் உற்பத்தி 50 சதவீதம் வரை அதிகமாக இருக்கும்.
அதே மாதிரி மதிய வேளையில் 12 மணிக்கு அதிகமாக இருக்கும். 1 மணியளவில் குறைய ஆரம்பிக்கும். ஆனால் காலையில் ஒப்பிடும் போது இந்த நேரத்தில் கார்டிசோல் உற்பத்தி குறைவாக இருக்கும்.
மாலை 6 மணிக்கு கார்டிசோல் உற்பத்தி அதிகமாக இருக்கும். 7 மணியளவில் குறைந்து விடும். பிறகு தான் வழக்கமான தூக்க நிலையை பின்பற்ற வேண்டும்.
காபி குடிக்க சரியான நேரம்
எனவே இந்த நேர இடைவெளிக்கு இடையில் தான் நீங்கள் காபியை குடிக்க வேண்டும். அதாவது
காலை 9.30 மணி முதல் 11.30 மணி வரை, மதியம் 1.30 மணி முதல் 5.30 மணி வரை அல்லது இரவு 7 மணிக்கு மேல் நீங்கள் காபி குடிக்கலாம் என்று ஆய்வாளர்கள் தெரிவிக்கின்றனர்.


*பகிர்வு*

*┈┉┅━❀•ℙᏉᎫℙ•❀━┅┉┈​​​​​​​​​​*

No comments:

Powered by Blogger.