Breaking

தேங்காய் எண்ணெய் பயன்படுத்தி எடை இழப்பு மேற்கொள்வது சாத்தியமாகுமா





தேங்காய் எண்ணெய் பயன்படுத்தி எடை இழப்பு மேற்கொள்வது சாத்தியமாகுமா என்று ஒரு சிலர் கேள்வி எழுப்புகின்றனர். ஆம் தேங்காய் எண்ணெய்யில் இருக்கும் பல்வேறு கூறுகள் எடை இழப்பிற்கு உதவுகின்றன. ஆகையால் தேங்காய் எண்ணெயை உணவில் எப்படியெல்லாம் எடுத்துக் கொண்டால் உடல் எடையை வேகமாகக் குறைக்க முடியும் என்பது பற்றி இந்த தொகுப்பில் விளக்கமாகப் பார்க்கலாம்.

தேங்காய் எண்ணெய்

உலகம் முழுவதும் தற்போது எடை இழப்பிற்கான உணவில் தேங்காய் எண்ணெய் ஒரு தனிபட்ட கவனத்தை ஈர்த்து வருகிறது. கனோலா , வெஜிடபிள் எண்ணெய் போன்ற சுத்தீகரிக்கப்ட்ட எண்ணெய்க்கு மாற்றாக தேங்காய் எண்ணெய் பயன்படுத்தி சமையல் செய்வதால் சிறந்த பலன்கள் கிடைப்பதாக அறியப்படுகிறது.
தேங்காய் எண்ணெய்யின் மகத்துவத்தைப் பற்றி தெரிந்து கொள்வது இது முதல் முறை அல்ல.

​பயன்பாடு

சருமத்தை மென்மையாக வைத்துக் கொள்ளவும், கூந்தலுக்கு புத்துணர்ச்சி அளிக்கவும் தேங்காய் எண்ணெய் பல நூற்றாண்டுகளாக பயன்படுத்தப்பட்டு வருகிறது.

தற்போது மக்கள் தங்கள் உணவில், சிற்றுண்டிகளில் , பானங்களில் தேங்காய் எண்ணெய் சேர்த்து தயாரித்து பயன்படுத்தி வருகின்றனர். இது ஒரு ஆரோக்கிய கொழுப்பாக இருப்பதால் உடல் எடை குறைகிறது என்று நம்பப்படுகிறது. ஆனால் உண்மையில் இது சிறந்த தீர்வைத் தருகிறதா ? இதற்கு பின்னால் இருக்கும் உண்மையை நாம் இப்போது தெரிந்து கொள்வோம்.


​எடை இழப்பிற்கு தேங்காய் எண்ணெய் :

தேங்காய் எண்ணெய் இவ்வளவு ஆரோக்கிய நன்மைகள் கொண்டிருப்பதற்கு ஒரு முக்கிய கரணம் அதில் இருக்கும் மிதமான சங்கிலி கொழுப்பு அமிலங்கள். இதனை மீடியம் செயின் கொழுப்பு அமிலம் என்று கூறுவர். நீள சங்கிலி (Long Chain Fatty Acids) கொழுப்பு அமிலங்களைக் காட்டிலும் இந்த வகை கொழுப்பு அமிலங்களை உடல் எளிதாக மற்றும் வித்தியாசமாக வளர்சிதை மாற்றம் செய்ய முடிகிறது .ஆலிவ் எண்ணெய், நட் பட்டர் போன்றவற்றில் நீள சங்கிலி கொழுப்பு அமிலங்கள் உள்ளன. நீள சங்கிலி கொழுப்பு அமிலங்கள் அடிபோஸ் திசுக்களில் அதாவது கொழுப்பு திசுக்களில் சேமிக்கப்படுவது போல் இவை சேமிக்கப்படுவதில்லை. மாறாக இவை இரைப்பை குடலால் உறிஞ்சப்பட்டு கல்லீரலுக்கு செல்கின்றன. கல்லீரல் இந்த சின்ன சங்கிலிகளை வளர்சிதை மாற்றம் செய்து ஆற்றலாக மாற்றுகின்றன. இதனால் நமது எடை சீரான முறையில் நிர்வகிக்கப்படுகிறது. மேலும் தேங்காய் எண்ணெய்யின் மீடியம் செயின் ட்ரைக்ளிசரைடுகள் (MCT ) உடலில் சேமிக்கப்படுவதில்லை. இது தவிர பல்வேறு ஆரோக்கிய நன்மைகள் தேங்காய் எண்ணெய்யில் உள்ளது.

​வளர்சிதை மாற்றத்தை அதிகரிக்கிறது :

அடிப்படையில் தேங்காய் எண்ணெய் MCT யால் உருவாக்கப்படுவதால் , ஒரே நாளில் அதிக கலோரிகள் எரிக்கப்பட உதவுகிறது. இதனால் உடல் எடை குறைகிறது. நமது உடல் குறுகிய சங்கிலி MCT யை விரைந்து பயன்படுத்துவதால், தெர்மோஜெனிக் விளைவை உடலில் உண்டாக்குகிறது.


​நீண்ட நேரம் வயிறு நிரம்பிய உணர்வைத் தருகிறது.தேங்காய் எண்ணெய் பயன்படுத்தி தயாரித்த உணவை உட்கொள்வதால் நீண்ட நேரம் பசி ஏற்படுவதில்லை. வயிறு நிரம்பிய உணர்வு நீடிக்கிறது. இதனால் உங்கள் பசியுணர்வு ஒரு ஒழுங்கான அமைப்பிற்கு வருகிறது. குறைந்த கொழுப்பு உணவுகளுடன் ஒப்பிடும்போது தேங்காய் எண்ணெய்யில் தயாரித்த உணவுகள் பசியுணர்வைக் குறைத்து நீண்ட நேரம் வயிறு நிரம்பிய உணர்வைத் தருவதாக ஆய்வுகள் கூறுகின்றன. இருப்பினும், சில ஆய்வுகள் இந்த கூற்றுக்கு முரணாக உள்ளன. அதாவது, வயிறு நிரம்பிய உணர்வுகள் கொழுப்பு அமில செறிவூட்டல் அளவுகளால் பாதிக்கப்படுவதில்லை என்று சில ஆய்வுகள் குறிப்பிடுகின்றன .மற்ற எண்ணெய்களைக் காட்டிலும் தேங்காய் எண்ணெய் உட்கொள்வது ஆரோக்கியமானது என்று ஆதாரப்பூர்வமாக நிரூபிக்கப்பட்டுள்ளது. இருப்பினும் அதே நேரத்தில், தேங்காய் எண்ணெய் உட்கொள்வதால் எடை இழப்பு செயல்முறை விரைவாக்கப்படுகிறது என்று உறுதியாக சொல்ல முடியாது . இது குறித்து கூறப்படும் கருத்துகள் ஒன்றுடன் ஒன்று முரண்படுகின்றன. ஆகவே இது குறித்து இன்னும் அதிக ஆராய்ச்சிகள் தேவை.

No comments:

Powered by Blogger.